سلامآت Google

.  السلام عليكم و رحمه الله و بركاتـه .

 

….

 

كيـف حـالكم ان شاء الله مب بردانيين و مزكمين >.> تدفو عدل ما أوصيكم ترى..

ما عليـنا..

 

بأخر البارت الجاي من موضوعي السابق يعني المنتظرين للجزء الثاني أبلغهم بأني بأخرة لمشاغل الدراسه و لعدم قدرتي على الرد النقاشي المطول ><”..

 

 

الشئ إللي جايه و مسرعه و مب قادرة ألحق عليه هوووووووووو العـم الكبير و سيدنا الخدوم و أعظم مفتش و محقق بـعالم و الكرة الأرضيه و طبعاً محرك ” Google ” !!

 

مطلع لنا شئ غريب أكيد كلكم شفتوه ولا ؟؟ يمكن فيه بعضكم ما يستخدم جوجل بدل منه ” Msn ”  أو ”  Yahoo ” مع إني ما افضلهم خير شر..

 

 

الشغله الله يسلمكم و يطول أعماركم هي رجل شـايب تقريباً يشبه نيوتن شوي حاطينه مع بنيه مدري ولد صغير يسوي أختراعات و متفجرات o_O” اللهم لا تبلانا بما بليتهم به..

 

الزبدة دورت بكذا مكان عشان أبحث وشو ذا بعادة جوجل تحط شئ هادف ولا معروف توقعته عشان رآس السنه بس قلت عيد رآس السنه بعيد شوي !! ( طبعاً المسلمين ما يؤمن به بس كذا كـ عادة معروفه لدى العالم بأن فيه سنه جديدة علينا بتدخل )..

 

المهم طلع لي أسم الشايب ذا ( Doodle ) يوم بحثت لقيت منه اجزاء كثيرة يعني سلسله صور ممكن موصله لـ 5 صور و بعد لقيت أنه يتعلق برسامين أو مدري وش يتعلق به :$ بس مع كذا شاكه أنه مخترع ولا أنتو وش ردكم ؟؟ –> لقـااافه..

 

رابط هالـشايب إللي داش عرض بجوجل هع :

 

http://www.google.com.sa/doodle15.html

 

 

بالأخير أشوفكم على خييييييير و برد سعيد الصغرى بالشرقيه تقريباً تتراوح ما بين 11 و 10 أدعو لنا بس    تهئ تهئ..

 

….

 

. دمتـم بخيــر .