}..السلام عليكم و رحمه الله و بركاته
….
صباح و مساء الخير !!
و مشينا و رجعنا و راح العيد 7__7 بسم الله ما حسيت والله بس الحمدلله قضينا وقت حلو لا بأس به !!
المهم أخبـاركم علومكم ان شاء الله طيبين ؟؟
قسمن بالله الحياة بدون كتابه شئ يفضفض عن الخاطر خصوصً بتدوين يكسر الخاطر و يجيب أحساس بشئ ناقصك و تبي تسويه هذا الشعور رافقني خلال 7 أيـام تغيبت فيها عن تدوينتي !!
بس الحمدلله انبسطت من ناحيتي بهذا العيد ما تعرفون قد أيش تمنيت ترجع أيام العيد بسرعه و ارجع امضي وقتي بشكل أجمل و أحلى !!
موضوعي بتكلم فيه عن أيام العيد و السبع أيام وش سويت فيها ,, طبعن الموضوع ما يحلى إلا بمشاركاتكم و تبادلكم بهذا الشعور الجميل..
الله يسلمكم أول يوم مشينا و رحنا لرياض بيت أهل بوي عاااد مشاء الله وش أقول ولا وش أتكلم البيت كبير يطرد فيه الخيـل لوول –> حاسدتهم هع هع..
و الأعمام و العمات مشاء الله منورين بالبيت و مش مصدقه قد أيش وناسه بس ناقصني شئ وجود الماما و البابا معنا -.- أفتقت وجودهم بالعيد لكن مع كذا و للأول مرة افرح بكذا عيد لأن العيد إللي قبل كنا بالشرقيه و ما رحنا أول يوم لرياض فكان عيد تعيس مع الأسف الشديد..
مدري عيد الضحيه الأقرب و الأحب لي 
نرجع لسالفتنا قررنا نروح نصلي صلاة العيد بمسجد انا و الشله الكريمه أعمامي و عماتي و تجهزنا و لبسنا و رحنا ,, والله الصلاة بمسجد جابت لي شعور غريب خصوصً أن أذان المؤذن خيـال كانت الأجواء داخل المسجد معبرة جداً للعيد ريحه البخور فايحه لشارع خخخخخخ..
و الحلويات يوزعونها الأطفال و الفلوس و كلن يسلم و يعايد والله عايدت كل من في المسجد و انا ما أعرفهم خخخخخخ الأهم أديت وأجبي الديني بسماحه و أبتسامه جميله..
بعدها رجعنا البيت جلسنا نحوس بمطبخ يجي نصف ساعه نسوي القهوة و إللي راح السوبر ماركت يجيب دونات و مشروبات و بعض الأشياء الناقصه و عمي راح محل حلاوة ( Patchi ) المهم ما تعدت الساعه 9 إلا و الناس جايينا الجماعه يعني القرايب و الجيران و مش عارفه أيش عااد انا انهلكت تخيلو أختكم في الله مواصله من اليوم إللي قبله يعني كم ساعه و أصير مواصله 24 ساعه كامله بالضبط عاد عمتي خافت علي و قالت ( يا بنت روحي نامي لك شوي ) و أنا مب قادرة تعرفون بوي و أمي مب موجودين و أنا الكبيرة بين أخواني و حامله همهم إللي مب راضي يترك يد السوني و إللي ما يبي ينام و الخ..
صرت أمهم شوي شوي مشت الأمور كويسه و انسدحت مثل الميته تقولون كأني شايله صخرة فوق أظهري كل شئ فيني متكسر نتفه نتفه نمت ألين 4 و نصف العصر قمت تعبانه عنوني حمر تقولون محششه خخخخخخخخخخ رحت صلحت نفسي و لبست بدله العيد إللي من ( Zara ) ما أمداني اصورها بالكيمرا و أحطها لكم بس ان شاء الله بأقرب فرصه اسوي كذا !! هالماركه يا عيني مب دايمن الاقي منها شئ حلو بس هالمرة لقيت إللي ببالي عندهم و دايمن خوياتي يتقاتلون على هالمحل مدري ليـش !!
مع أن مافيه أحلى من ( Promod ) دايمن الاقي عندهم اشياء حلوة حتى لو ما كان لي خلق اشتري بس اشتري مجبورة خخخخ !!
نكمل لكم القصه نزلت و سلمت على الضيوف بعدها جلسنا نتسولف عاد تعرفون لازم إذا فيه جمعات تكثر السواليف و تتشعب أكثر و أكثر لكن لا تظنوني من الناس الهذرة تراني أكرهها انا أفضل أني أسمع ولا أتكلم لأني لو بتكلم بخبص يعني أتلعثم بكلام ولا يصير الطرف الأخر يعتمد علي بحكي و هذا أمر مزعج ولا أحبه ابداً أنا بس أحب أسمع..
أذن المغرب و صلينا بعدها كثر عدد الضيوف ما مر وقت إلا و يأذن العشاء رجعنا صلينا بعدين جهزنا العشـاء و حطيناها العشاء طبعن مب مطبوخ بالبيت من المطعم يعني ذبحنا الذبايح و وديناها للمطعم سوي عليها كبسه كبيرة ^_^ المهم أول يوم بالعيد كان إزدحام بالبيت مريع لدرجه أن عمي قال ( البيت صـاير حج ) خخخخخخخخخخ بس مشاء الله حلات العيد بعزايم و الزيارات و الطلعات..
ثاني يوم بالعيد جانا كم زائر بالصباح بكير رحنا بعدها لبيوت جيرانا نرد لهم الزيارات إللي زاروها أول يوم بالعيد بعدها طلعنا تمشيه سريعه لساعه و نصف رجعنا البيت جدي بوقتها كان مسوي عزيمه حق أهل خطيبة عمي ( عبد الكريم ) يا حليله ربي يوفقه فرحنا بوجود خطيبته و أهلها و تعرفنا عليهم أكثر عداء اليوم عادي ثالث يوم بالعيد رحنا بدري الملاهي يعني عند العصريه لعبنا و انبسطنا رجعنا البيت كان فيه زواج لولد خال بوي رحنا جميع بوي و أمي أكتفو بتهنئه الهاتفيه لظروف الحج و السفر والله عرس مسكت أتبسطت من كل قلبي فيه كل الناس إللي شفناهم ببيت جداني أول يوم بالعيد شفناهم بالعرس حتى أني رقصت مع كل البنات إللي تعرفت عليهم بالعزيمه والله ونااااسه حسيت نفسي مشهورة فجأة من شافني ( قـال هذي سارة ولا سويرة ) خخخخخخخخ..
المهم رجعنا البيت متأخر الساعه 5 و نصف عند الفجر خخخخخخخخ رابع يوم العيد كان أحلى يوم أبوي و أمي رجعو لنا سالمين غانمين و لله الحمد كانت رجعتهم فرحه الدنيا و بما فيها خخخخخخخخخ بس بوي قرع صاير مختلف تماماً حتى أختي الصغنطوطه استنكرته و بكت و جلست تصيح ساعه مب عارفه منو هذا الأصلع خخخخخخخخخخخخخخخخخخخخخخخخخخخخخخخخ ..
رحنا طلعنا تمشينا كلنا مع أمي و أبوي و رجعنا البيت جلست انا و عماتي و أعمامي جالسين بالقبو و متدفين عند الدفايه و نشوف فلم Resident Evil Degeneration ) )
على النت لأنه ما نزل على الدي في دي شفناها على التورنت و كان فلم رائع جداً يعني مشاهدته خذت مننا ساعه و نصف فقط بس والله روعه لأني من عشاق لعبه الرعب Resident Evil يعني إذا نزل الفلم بعد شهر أنصحكم تشوفوه تـراني نادر ما أشوف أفلام واقعيه ولا عاديه يا رعب ولا بلااااش ولا أكشن على الأقل –> مجرمه 
بعدين رحنا مطعم ماكدونالز عاااد وش أقول لكم صارت لنا أم المقالب يوم رحنا بس من حظكم أني خذت معايا كيمرتي بس مع الأسف بعد ما قدرت اصور كل تفاصيل الحدث لأنهم يمنعون بمطعم التصوير يقولون حافظً على السمعه ><” وجع إللي يقول بصور غرفه غرفه ولا بدش على الناس و أصورة و انشرهم بالبلوتوث @@” صج عقول مغلقه المهم صورت بكل خفاء وجبتي و وجبه الأعيـال جميعاً !!
بعد ما انبسطنا و أستانسنا رجعنا و لله الحمد السبت سالمين غانمين لشرقيه و بالتحديد بمنطقتي السكنيه الخبر الحبيبه كنت أتمنى لو صورت اشياء كثيرة بالرياض مثل بيت الأعيـال و بعض الأطباق عشان أعذبكم حبتين خخخخخخخخخخخخخخخ ما أتوب من حركاتي النذليه المهم و أنتو وش عملتو بالعيد وش مغامراتكم إللي صارت ؟؟
أنا كل مغامراتي أني اواصـل يعني أنا حطمت الرقم القياسي بمواصلتي المستمرة إللي ما بينها 4 ساعات قيلوله..
….
دمتـم بخيــر..{
